2009 -- 4 . ಬಟೂರೆ
ಪಕ್ಕದಾ ತಾಟಿನಲಿ ಪೂರಿ ಗಾತ್ರವ ಕಂಡು ,
ತರಲು ಹೇಳಿದೆ ನಾ , ಒಂದು ಪ್ಲೇಟ್ ಪೂರಿ .
ಹತ್ತು ನಿಮಿಷವ ಕಳೆದು , ಅಂಗೈ ಗಾತ್ರದಿ ಬರಲು
ಎಣಿಸಿದ್ದೆ ತಪ್ಪಾಯ್ತು, ಪಕ್ಕದ್ದು ಬಟೂರೆ !!
2008 -- 5 . ಚೆನ್ನ .........
ಹೊಸತು ಹೊಸತೀ ಮನೆಯು ಮನೆಯ ಒಡೆಯಗೆ ಚೆನ್ನ
ಮನೆಯನಾಳುವ ಪರಿಯು ಅವನ ಮಡದಿಗೆ ಚೆನ್ನ
ಆರಾರಿಗಾವಾಗ ಏನೇನು ಚೆನ್ನವೋ ?
ದೈವ ಪೊರೆಯಲಿ ನಿಮ್ಮ ನಮಗದುವೆ ಚೆನ್ನ !
2010. -- 6. ಮಥುರಾಸೇವೆ
ತೀರ್ಥಯಾತ್ರೆಯ ಸಮಯ ಬಸವಳಿದು ನಾನಂದು
ಕೃಷ್ಣನಾಲಯದೆದುರು ಮರದ ಬಳಿ ಕುಳಿತಿರಲು
ಭಕ್ತಾದಿಗಳ ಗುಂಪು ಮೆಟ್ಟು ಬಿಚ್ಚಿದರಲ್ಲೇ
ಕಾಯುತಿದ್ದುದೆ ಸೇವೆ , ಹೀಗಿತ್ತು ಸ್ಥಳಮಹಿಮೆ ... !!
No comments:
Post a Comment